Gwasanaethau Eraill

Gwasanaethau eraill –
sut allwn ni eich helpu chi?

Er gwaethaf ein teitl, nid gyda mamaliaid yn unig fyddwn ni’n gweithio, ac os ydych angen arolwg ecolegol, mae’n siŵr y gallwn eich helpu. O arolwg botanegol i asesiadau o loÿnnod byw a gwyfynod, o arolygon adar magu ac adar sy’n gaeafu i chwilio am ymlusgiaid, mae gan ein staff sylfaen eang o sgiliau sy’n ein galluogi i’ch helpu chi.

Mae nifer o rywogaethau wedi eu diogelu heddiw dan ddeddfau’r Deyrnas Unedig ac Ewrop, ac mae gennym hanes helaeth o arolygu amrywiaeth o rywogaethau neu grwpiau o rywogaethau. Mae enghreifftiau cyffredin yn cynnwys arolygon ysguboriau o ystlumod a thylluanod neu adar eraill sy’n nythu. Neu bathewod ac adar sy’n nythu mewn cloddiau. Yn wir, daw nifer o’n cleientiaid atom oherwydd ein bod yn gallu arolygu amrywiaeth o rywogaethau ar yr un pryd gan arbed dod â gwahanol arbenigwyr o ystod o gefndiroedd arbenigol.

Rydym yn cynnal arolygon botanegol i’n cleientiaid i gyd, o blanhigion uwch i ffyngau. Rydym hefyd yn fodlon cynnal arolygon gloÿnnod brith y gors a rhywogaethau eraill yn ogystal â chynefinoedd sensitif.

Waeth pa mor fawr yw’r prosiect na pha mor gymhleth ydyw, byddwn yn gallu eich helpu. Gallwn gynnal arolygon o fannau cyfyng gan fod pob un o’n staff wedi derbyn yr hyfforddiant angenrheidiol ac yn ddeiliaid y tystysgrifau sy’n ofynnol i gyflawni arolygon tanddaearol a safleoedd tebyg. Felly, os ydych angen atebion parthed unrhyw faterion bywyd gwyllt, rhowch alwad i ni.

Gwasanaethau

• Arolwg infertebratau dyfrol
• Arolygon tylluanod gwynion
• Arolygon adar magu
• Arolygon gloÿnnod byw a gwyfynod
• Asesiadau effeithiau amgylcheddol
• Arolygon ffyngau
• Arolygon botanegol cam 1
• Arolygon ymlusgiaid
• Arolygon adar gaeafu