Mamaliaid Eraill

Mamaliaid Eraill - sut allwn ni eich helpu?

Yn ogystal â moch daear, ystlumod, pathewod a dyfrgwn, mae gennym ystod eang o brofiad yn arolygu a gweithio gyda mamaliaid eraill. Llygod y dŵr (Arvicola terrestris) yw’r rhywogaeth yr ydym wedi gweithio fwyaf â hi o bosibl, ac yn anffodus mae’r rhywogaeth hon, fel cymaint o famaliaid eraill Prydain, yn lleihau o ran niferoedd ac angen ein cymorth. Yn ystod y chwe blynedd diwethaf, rydym wedi cynnal nifer o arolygon o sawl rhywogaeth ac os ydynt yn broblem ar eich datblygiad, gallwn helpu gyda mamaliaid a ddiogelir dan y gyfraith.

Gallwn hefyd helpu gyda rhywogaethau eraill o famaliaid ac mae’n hecolegwyr wedi gweithio ar brosiectau gwiwerod coch (Sciurus vulgaris), a dulliau o reoli gwiwerod llwyd sy’n bennaf gyfrifol am ddifodiant ein gwiwer goch frodorol.

Waeth pa fath o famal sydd dan sylw, mae’n fwy na thebyg y gallwn helpu. O arolygon mamaliaid bychain i gyngor ar famaliaid mawr, a hyd yn oed rhywogaethau egsotig megis baeddod gwyllt ac afancod, os na allwn helpu byddwn yn sicrhau ein bod yn cael gafael ar y cyngor gorau sydd ar gael i chi.

Gwasanaethau

• Gwerthusiadau datblygiad
• Arolygon dosbarthiad
• Arolygon cynefinoedd
• Cyngor rheoli cynefin
• Cynlluniau lliniaru