Pathewod

Pathewod - sut allwn ni eich helpu?

Yn y Deyrnas Unedig, mae tair rhywogaeth o bathewod. Yn ogystal â’n rhywogaeth frodorol, y pathew cyffredin neu bathew’r cyll (Muscardinus avellanarius), mae rhannau o Loegr hefyd yn gartref i’r pathew tew neu ‘fwytadwy’ a phathew’r ardd. Mae’r tri yn brin ledled Ewrop ac felly wedi eu diogelu’n llawn dan gyfraith.

Er mai cnofilod yw pathewod, ychydig iawn sydd ganddynt yn gyffredin â gwir lygod, gan ddewis byw mewn coedwigoedd a gwrychoedd aeddfed. Gall pathewod fyw’n hir iawn, hyd at bum mlynedd dan amgylchiadau eithriadol. Yn wahanol i lygod, mae gan bathewod flew tu fewn i’w clustiau ac ar eu cynffonau, ac mae hyn yn hanfodol i anifail sydd eisiau cadw gwres, yn arbennig wrth iddynt aeafu. Golyga’r gallu hwn i aeafu yn ystod tywydd garw’r gaeaf bod y pathew cyffredin yn cael ei alw’n un o’r saith cysgadur mewn rhai rhannau o Ewrop, gan eu bod fel petaent yn diflannu’n llwyr yn ystod misoedd y gaeaf.

Mae niferoedd y pathew cyffredin wedi gostwng yn sylweddol yn ystod y ganrif ddiwethaf, ac yn 1981 rhoddwyd amddiffyniad llawn iddynt a hefyd i’r coed a’r gwrychoedd lle maent yn byw dan ddarpariaethau’r Ddeddf Bywyd Gwyllt a Chefn Gwlad 1981. Ceir amddiffyniad pellach yn y Rheoliadau Cadwraeth (Cynefinoedd Naturiol) 1994 a Deddf Cefn Gwlad a Hawliau Tramwy 2000.

Rydym wedi bod yn gweithio i warchod pathewod a’u cynefinoedd ers mwy na 18 mlynedd. Mae gennym brofiad heb ei ail o arolygu pathewod, gan ddefnyddio chwiliadau cnau barfog, tiwbiau nythu a thrapiau i asesu presenoldeb absenoldeb. Gallwn eich cynghori ar fesurau lliniaru pathewod, a waeth pa mor fawr neu fach yw’r prosiect, gall ein gweithredwyr trwyddedig eich helpu gyda golwg ar bathewod.

Gwasanaethau

• Pob math o arolwg
• Ceisiadau trwyddedau rhywogaethau Ewropeaidd a ddiogelir
• Gwasanaethau tystion arbenigol
• Arolygon cynefinoedd
• Cyngor rheoli cynefin
• Cynlluniau lliniaru
• Prosiectau blychau nythu a monitro
• Prosiectau Ymchwil
• Cyrsiau hyfforddiant